Tiniyak ng liderato ng Philippine National Police (PNP) na hindi maaabuso ng kanilang mga tauhan ang anti – terrorism act of 2020 na nilagdaan ni Pangulong Rodrigo Dutertre noong isang linggo.
Ayon kay PNP Chief P/Gen. Archie Francisco Gamboa, napapanahon na ang pagpasa sa nasabing batas lalo’t unti-unti na namang lumulutang ang mga galamay ng terroristang grupo.
Sa ilalim aniya ng bagong batas, sinabi ni Gamboa na magkakaroon na ito ng ngipin laban sa mga hakbang ng pamahalaan upang mapigilan ang terrorismo sa lalong madaling panahon.
Magugunitang napatay sa engkuwentro ang financial conduit ng Dawlah Islamiyah kasama ang tatlong iba pa sa Parañaque City noong Hunyo.
Gayundin ang pagkbukob ng Maute – ISIS terrorist group sa Marawi City noong 2017, ang madugong Rizal Day bombing noong 2000 at marami pang iba.
Binigyang diin ni Gamboa, maraming buhay na aniya ang nasasayang sa tuwing aatake ang mga terrorista kaya’t mabuti nang naipasa ito kaysa pagsisihan pa ito ng mga Pilipino sa dakong huli.