Naghain ng reklamo sa Commission on Human Rights, ang kinatawan ng 14 na civil society groups na humihiling na imbestigahan ang 50 fossil fuel companies na nagdudulot ng global warming at lumalabag sa karapatang pantao.
Kabilang sa mga nagsampa ng kaso ay ang Green Peace Philippines, Philippine Movement for Climate Justice, Philippine Rural Reconstruction Movement, Ecowaste Coalition at ang Nuclear Free Bataan Movement.
Iginiit ng grupo sa pamamagitan ng kanilang legal representative na si Atty. Grizelda Mayo – Anda na nilalabag ng naturang mga kumpanya ang karapatang pantao ng bawat mamamayan, dahil naaapektuhan ng climate change ang karapatan ng bawat isa na mabuhay, gayun din ang food security.
Kasama sa mga pinaiimbestigahan ay Chevron, ExxonMobil, BP, Royal Dutch Shell at Conoco Phillips.
By: Katrina Valle