Inisa-isa na ng Malacañang ang mga paksang tatalakayin ng iba’t ibang pinuno ng mga bansang kasapi ng Association of Southeast Asian Nation o ASEAN para sa taong ito.
Ayon kay Presidential Communications Secretary Martin Andanar, ilan sa mga paksang pag-uusapan ay ang maritime security and cooperation, peace and stability.
Kasama rin sa mga tatalakayin ayon kay Andanar ang inclusive growth, ASEAN model for regionalism at disaster resiliency sa mga ASEAN member countries.
Kasunod nito, sinabi ni Andanar na ikinakasa na rin ng Armed Forces of the Philippines o AFP at Philippine National Police (PNP) ang kanilang security plan para sa nasabing pagtitipon na gagawin sa Davao City.
By Jaymark Dagala
