Walang nakikitang mali ang Pambansang Pulisya sa paghahain ng leave of absence ni dating Philippine National Police (PNP) Chief Director General Alan Purisima hanggang buwan ng Hulyo.
Ngayon sana ang pagbabalik-trabaho ni Purisima matapos na masuspinde ng Ombudsman kaugnay sa kasong graft na isinampa laban dito.
Ayon kay PNP Spokesperson Senior Superintendent Bartolome Tobias, karapatan ito ni Purisima lalo’t mayroon pa itong hindi nagagamit na leave.
Sa katunayan, sinabi ni Tobias na maaari pang i-extend ni Purisima ang leave nito kung gugustuhin ng dating PNP Chief.
Nilinaw din ni Tobias na buo pa ring matatanggap ni Purisima ang mahigit P100,000 pisong sahod nito kada buwan.
By Ralph Obina
