Naunsyami ang pagbasa ng sakdal ng Sandiganbayan 1st Division kay dating Justice Secretary Agnes Devanadera na nahaharap sa kasong katiwalian.
Ito’y dahil may nakabinbin pang motion for reconsideration ang kampo ni Devanadera.
Gayunman, nag-manifest ang mga abogado ni Devanadera na iwi-withdraw na lamang ang nasabing mosyon at sa halip ay maghahain ng motion to quash the information.
Itinakda ng Korte ang arraignment sa Hunyo 8.
Nahaharap si Devanadera sa kasong graft dahil umano’y pagpayo nito sa Philippine National Construction Corporation na pumasok sa maanomalyang settlement agreement na nagkakahalaga ng P6.1-B.
By Meann Tanbio
