Inaasahan ng PAGASA na dalawa hanggang apat na bagyo ang mabubuo o papasok sa Philippine Area of Responsibility (PAR) ngayong Agosto.
Ayon sa weather bureau, dalawa hanggang tatlong bagyo naman ang inaasahang papasok sa Setyembre, isa hanggang dalawa sa Oktubre, Nobyembre at Disyembre, at wala hanggang isa sa Enero 2027.
Sinabi rin ng PAGASA na posibleng mabuo ang isang napakalakas na El Niño mula Oktubre 2026 hanggang Enero 2027.
Dahil dito, maaaring mabawasan ang bilang ng mga bagyong mabubuo, ngunit ang ilan sa mga ito ay maaari pa ring lumakas at maging ganap na bagyo o super typhoon.
