Inaasahang madaragdagan pa ang bilang ng mga pasahero sa mga bus terminal ng bansa kasunod ng papalapit na araw ng paggunita sa Undas.
Ayon kay Araneta Center General Bus Station and Port General Manager Ramon Legazpi, inaasahang papalo sa higit 3,000 pasahero ang dadagsa sa Araneta Center bus station at bus port sa Quezon City.
Dagdag pa nito, inaasahang magsisimulang dumagsa ang mga tao bukas, Oktubre 25.
Samantala, magsasagawa naman ng inspeksyon ang Land Transportation Franchising Regulatory Board (LTFRB) sa mga bus na babyahe sa mga lalawigan ngayong Undas.
