Nagbabala si PNP Chief Dir/Gen. Ronald Bato Dela Rosa na magiging madugo ang kaniyang magiging termino bilang bagong pinuno ng Bureau of Corrections o BUCOR.
Ito’y kung patuloy aniyang manlalaban sa kaniya ang mga drug peddlers sa loob ng NBP o New Bilibid Prisons sa sandaling bumaba na siya sa puwesto bilang hepe ng pambansang pulisya.
Malinaw aniya ang atas sa kaniya ng Pangulo na tapusin na ang problema ng iligal na droga sa NBP lalo’t dito aniya nagmumula ang karahiman sa mga suplay nito sa mga lansangan.
Kasunod nito, naniniwala rin si Bato na mayruon pa siyang misyon sa pambansang pulisya na kailangan niyang tapusin bago siya tuluyang bumaba sa puwesto.