Target ng National Printing Office (NPO) na makapag-imprenta ng aabot sa 3 milyong mga balota kada-araw para sa Barangay at Sangguniang Kabataan (BSK) elections.
Ayon kay Commission on Elections (COMELEC) chairman George Garcia, mahigit 91 million na mga balota ang kakailanganin para sa eleksiyon kung saan, aabutin ng limang araw ang verification process nito.
Tiwala si Garcia, na masisimulan na ng Comelec ang pagpapadala sa mga balota at election paraphernalias sa ikalawang linggo ng Nobyembre.
Siniguro naman ng poll body, na handa ang kanilang ahensya para sa local elections habang wala pang batas na mag-uutos para sa pagpapaliban nito.