Tinutulan ng Department of Health (DOH) ang panukalang batas na i-delist o ang planong pag-alis sa listahan ng iligal na droga ang paggamit ng marijuana o cannabis.
Sa naganap na pagdinig ng House Committee on Dangerous Drugs, sinabi ni DOH Chief of Hospital dr. Jose Bienvenido Leabres na may long term effects sa tao ang paggamit ng marijuana.
Mataas kasi ang tiyansa na tumaas ang risk ng psychosis, depression, at anxiety disorders ang isang indibidwal na gumagamit ng nasabing iligal na droga.
Bukod pa dito, takaw disgrasya din ito dahil sa “poor coordination” At “poor concentration” Sa tuwing high o lango sa marijuana ang isang tao.
Iginiit ng opisyal na maaaring malagay sa panganib ang publiko kung hindi iiwasan ang paggamit nito.