Itinaas sa Dalawang Milyong Piso ang pabuya para sa ikadarakip ng mga suspek sa pagpatay kay University of Science and Technology of Southern Philippines President Dr. Ricardo Rotoras.
Dinagdagan ng Free and Accepted Mason of the Philippines ang pabuyang Isang Milyong Piso na unang inalok ng lokal na pamahalaan ng Cagayan de Oro City.
Sa isang pahayag , sinabi ng grupo na mariin nilang kinokondena ang pagpaslang sa kanilang tinuturing na kapatid na si Rotoras.
Samantala , hanggang sa ngayon ay wala pa ring lead ang mga otoridad sa mga suspek na pumatay kay Rotoras.
Matatandaang nuong nakaraang sabado ay tinambangan si Rotoras ng dalawang hindi nakilalang salarin sa harapan ng kaniyang bahay sa Gold Glow North sa Barangay Upper Carmen , Cagayan de Oro City.
