Aabot sa P5.1-M na halaga ng shabu ang nasabat ng mga otoridad sa Central Mail Exchange Center, Domestic Road sa Pasay City.
Kinilala ni PNP officer-in-charge, Lt. Gen. Vicente Danao Jr. ang mga naaresto na sina Bryan Pagayan, 43- anyos at Ferdinand Jimenez, 64- anyos na kapwa sales agent.
Sa joint operation na pinangunahan ng Aviation Security Unit-NCR at Intelligence Operatives ng NAIA Inter-Agency Drug Interdiction Task Group, nakuha ang droga sa loob mismo ng parcel na nasa controlled delivery operation.
Nasa kustodiya na ng Philippine Drug Enforcement Agency ang droga at mga suspek para sa documentation at proper disposition.