Nakumpiska ng mga otoridad sa isang suspek ang aabot sa P24-M halaga ng shabu matapos ikasa ang drug buy-bust operation sa Barangay Lawaan 1, Talisay City, Cebu.
Ayon kay Police Lt. Col. Randy Caballes, hepe ng Talisay City Police Station, matagal na nilang minamanmanan ang 34-anyos na hindi na pinangalanang suspek na buwan-buwan umanong dumadaan sa lugar para magbenta ng iligal na droga.
Nakuha ang tatlong kilong pinaghihinalaang shabu sa suspek na mahaharap sa kasong paglabag sa Republic Act 9165 o Comprehensive Dangerous Drugs Act of 2002.
