Nasamsam ng mga otoridad ang halos P1M halaga ng shabu sa isang drug pusher matapos ikasa ang buy-bust operation sa Navotas City.
Kinilala ang suspek na si Abdullah Pasandalan alyas “Abdul”, 41-anyos na naaresto matapos magpanggap na poseur-buyer ang isang under cover na pulis at bumili ng halagang P12K ng shabu sa suspek.
Nang makumpirma ang transaksiyon ay agad na lumapit ang back-up na mga operatiba saka inaresto ang suspek.
Nakuha sa suspek ang tinatayang nasa 103 gram na shabu na may standard drug price na P700, P400 buy bust money, P1K bill at 11 pirasong P1K boodle money, sling bag, weighing scale, plastic bag, wallet na may laman 3 ID, 9 PVC cards at P1.5K cash.
Paglabag sa RA 9165 o ang Comprehensive Dangerous Drug Act of 2002 ang kasong kakaharapin ni alyas Abdul. —sa panulat ni Angelica Doctolero