Inilunsad ang isang online petition para protektahan ang San Sebastian Church na pinakamakasaysayan at pinakamatandang simbahan sa Lungsod ng Maynila.
Mababatid na ang naturang online petition ay makikita sa change.org na pinangalanang #SaveSanSebastian laban sa maitatayong photobomber na isang condominium na inaprubahan ng nakaraang administrasyon.
Target ng online petition na makakalap ng 400,000 pirma kasunod ng ika-400 taong anibersaryo ng San Sebastian Church.
Kasunod nito, nakiisa ang Manila Cathedral sa kampanya ng mga tagasuporta ng San Sebastian Church, para mas marami pa ang sumuporta sa naturang panawagan.
Sa huli, giit ng mga organizers ng nagpapatuloy na online petition, na ang kanilang ginagawa ay para anila sa mga susunod pang henerasyon para masilayan ang ganda ng San Sebastian Church.
