Inanunsiyo ng lokal na pamahalaan ng Batangas ang 6 na nakakuha ng ASF-free status.
Kabilang sa mga LGUs na fully recovered sa African Swine Fever (ASF) ay ang Lipa City, San Jose, Malvar, Rosario, Taysan at Nasugbu.
Ito ay ayon kay Agriculture Secretary William Dar kasunod ng paglulunsad ng National Hog Repopulation at Bantay African Swine Fever sa barangay program sa naturang lungsod.
Samantala, pinuri ng kalihim ang mga local chief executives dahil sa pagsisikap na malabanan ang sakit na pumipinsala sa industriya ng babuyan sa bansa.
Aniya, magandang balita ito na sa loob ng 2 taong pakikipag-laban sa ASF, naibaba na ang ASF outbreak dahil sa matagumpay na interbensyon ng pamahalaan.
