Nagkasa ng online appointments only para sa mga aplikante ng pasaporte sa Philippine Embassy sa Japan.
Kasunod na rin ito ng banta ng 2019 coronavirus disease (COVID-19) sa Japan na nakapagtala na ng mahigit 200 kaso at anim na nasawi dahil sa nasabing sakit bukod pa sa 705 kaso na naitala sa MV Diamond Princess kung saan pito ang nasawi.
Ayon sa embahada ng bansa sa Japan, ang ‘online appointments only’ para sa passport applicants ay epektibo ngayong Lunes, ika-2 ng Marso, hanggang walang bagong abiso mula sa embahada.
Uubrang magpa-appointment sa https://tokyo.philembassy.net ang mga magrerenew o kukuha ng passport.
