Ipapatupad ng Davao City police ang direktiba ni Philippine National Police o PNP chief police general Dionardo Carlos na “No Vaccine, No duty’ policy sa hanay ng pulisya.
Ayon kay Davao City police chief police colonel Kirby John Kraft, isa itong magandang hakbang para masiguro ang proteksyon ng kanilang tropa kontra sa banta ng COVID-19.
Sa ngayon, nasa 10 na lamang ang unvaccinated sa kabuuang 2,347 na tauhan ng Davao City Police.
Ayon sa datos ng PNP, nasa 1,770 pa sa mga personnel nito ang ayaw magpabakuna dahil sa pangambang may kumplikasyon ang COVID-19 vaccine sa katawan.—mula sa panulat ni Khime Gomez
