Ayon sa PAGASA, pumalo sa 50 degrees Celsius ang temperature kahapon sa Dagupan City, Pangasinan bandang alas-singko ng hapon, na isa sa pinakamainit na araw para sa taong ito.
Habang lumagpas naman sa higit degrees celsius heat index sa mga sumusunod na lugar:
- Aparri, Cagayan – 46ºC bandang 5 p.m.
- Laoag City, Ilocos Norte – 44ºC bandang 2 p.m.
- Casiguran, Aurora – 42ºC bandang 2 p.m.
- Masbate City, Masbate – 42ºC bandang 1 p.m.
- NAIA, Pasay City – 42ºC bandang 1 p.m.
Batay sa klasipikasyon ng PAGASA, itinuturing nang “danger” zone ang mga lugar na nakakapagtala ng temperaturang 42ºC hanggang 51ºC at “extreme danger” zone naman sa mga lugar na may temperaturang 52ºC pataas.
Paalala ng PAGASA, posibleng makaranas ng heat cramps, at heat exhaustion kung patuloy na magpapainit ang mga residenteng nasa danger zone habang malaki naman ang tiyansa ng heat stroke sa mga nakatira sa extreme danger zone.
Samantala, payo ng ahensya limitahan ang paglabas ng bahay lalo na kung mainit, uminom ng maraming tubig at iwasan ang pag-inom ng tsaa, kape, alak at soda. —sa panulat ni Abbie Aliño-Angeles
