Suportado ng mga kawani at opisyal ng Land Transportation and Franchising and Regulatory Board (LTFRB) ang pagkakatalaga kay Atty. Teofilo Guadiz, III bilang bagong chairman ng ahensya.
Ayon kay LTFRB Board Member Riza Marie Paches na nagsilbi bilang Officer-in-Charge ng ahensya, na suportado nila ang pamumuno ni Guadiz sa LTFRB.
Dahil dito, maaasahan aniya ng publiko ang patuloy na pakikinig at pagkilos para sa maayos na pampublikong transportasyon.
Sa ilalim rin ng pamumuno ni Guadiz, tinitiyak ng ahensya na patuloy na aarangkada tungo sa ligtas at komportableng biyahe sa kalsada.
Una nang nagpasalamat si Guadiz kay Pangulong Ferdinand Bongbong Marcos Junior sa oportunidad na muling magsilbi sa bayan partikular sa road sector.
