Dapat pigilang makalabas ng bansa si Dating Budget Undersecretary Lloyd Christopher Lao at mga opisyal ng Pharmally Pharmaceuticals Corporation.
Ito ang inihayag ni Senate Minority Leader Franklin Drilon dahil may balitang posibleng umalis ng Pilipinas si Lao sa gitna ng imbestigasyon ng senado sa COVID-19 funds ng gobyerno.
Maaari anyang hilingin nina Senate President Tito Sotto at Senate Blue Ribbon Committee Chairman Richard Gordon, sa DOJ na mag-issue ng hold departure order laban kina lao.
Bagaman inihayag ni Justice Secretary Menardo Guevarra na korte lang ang maaaring maglabas ng HDO, ipinunto ni Drilon bilang dating kalihm ng DOJ, ang kagawaran ang tagapagpatupad ng batas kaya’t dapat pigilan nitong makalayas ang mga iniimbestigahan.
Maaari naman anyang magpetisyon ang DOJ sa korte habang pag-aaralan ng Senador kung maaaring Senado na ang magsampa ng petisyon para sa HDO.—sa panulat ni Drew Nacino