Hindi pa rin dapat maging kampante o magpabaya ang publiko.
Ito ang binigyang diin ng Department of Health (DOH) sa kabila ng nakikita nang pagbaba sa naitatalang average ng kaso ng coronavirus disease 2019 (COVID-19) kada linggo.
Ayon kay Health Undersecretary Maria Rosario Vergeire, bagama’t bumababa ang kaso, kapuna-puna naman aniya ang pagtaas ng bilang sa ilang mga partikular na lugar o tinatawag na cluster.
Batay aniya sa kanilang pinakahuling tala noong Setyembre 25, umaabot sa mahigit 2,000 ang clusters ng COVID-19 sa buong bansa.
Walumpu’t apat na posyento (84%) sa mga ito ay komunidad at 5% naman ang health facilities.
Habang 27% ng kabuuang clusters ay mula sa NCR, 20% sa region 4-A, 10% sa Region 7 at 9% sa Region 3.