Umapela ang Batangas Archdiocese ng N95 mask donations kasunod ng muling pagbubuga ng sulfur dioxide emissions ng Taal Volcano.
Sa Facebook post ng Lipa Archdiocesan Social Action Center (LASAC, hiniling nila ang donasyong ito para mabigyan ng tiyak na proteksyon ang mga residenteng naninirahan malapit sa Bulkang Taal.
Ayon sa LASAC, patuloy parin na nangangailangan ng N95 masks ang mga lugar na malapit sa bulkan.
Nakasaad din sa post ng Batangas Archdiocese na sa mga nais mag-donate ng N95 mask, maari itong dalhin sa Laforce Building, St. Francis de Sales Major Seminary Compound, Marawoy, Lipa City.
Una nang napaulat na karamihan sa mga taga-Agoncillo, Batangas ang nakararanas na ng sore throat, chest pain at pag-ubo matapos madagdagan ang volcanic sulfur dioxide gas emissions na ibinuga ng Taal.
