Niransak ng mga hindi pa nakikilalang salarin ang munisipyo ng bayan ng President Roxas sa lalawigan ng Capiz.
Ito’y makaraang madiskubre ng isang empleyado na wasak ang likurang pintuan ng munisipyo, nagkalat ang mga papeles sa ilang mga tanggapan.
Ayon kay Mayor Receliste Escolin, kabilang sa mga pinasok na tanggapan ay ang Human Resource Office, Civil Registrar’s Office, Treasurer’s Office at Office of the Executive Assistant habang masuwerte namang hindi pinasok ang tanggapan mismo ng alkalde.
Kasunod nito, naniniwala si Mayor Escolin na may hinahanap na dokumento ang mga salarin batay sa paunang impormasyon sa nagpapatuloy pa ring imbestigasyon.
