Para ma-promote ang active transportation at makapagbigay ng ginhawa at ligtas na biyahe.
Uubra nang magamit ng libre ang mga bike rack na inilagay sa ilang istasyon ng MRT 3.
Ayon sa Department of Transportation (DOTr) road sector target nilang makapaglagay ng 34 na bike racks sa lahat ng istasyon ng MRT 3 kapwa North at South bound.
Ang isang bicycle rack na kayang lagyan ng limang bisikleta ay naitayo na nila sa mga istasyon ng North Avenue sa Quezon City at gma kamuning sa northbound.
Kasabay nito , pinaalalahanan ng pamunuan ng MRT 3 ang mga gagamit ng bike racks na huwag mag iwan ng mahalagang gamit at maging maingat sa paggamit nito dahil hindi pananagutan ng MRT 3 ang anumang bagay na masisira o mawawala habang nasa rack ang mga bisikleta.
