Kasalukuyan nang nasa detention facility ng MPD o Manila Police District Homicide Division si John Paul Solano, isa sa mga itinuturong suspek sa pagkasawi ng hazing victim at UST Freshman Law Student na si Horacio Tomas Castillo III.
Ito’y makaraang iharap si Solano ng MPD sa pagdinig ng Senate Committee on Public Order and Dangerous Drugs kaugnay sa hazing na ikinasawi ni Atio mula sa sinalihan nitong Aegis Juris Fraternity.
Una rito, isinailalim na sa inquest proceedings ng MPD si Solano sa harap na rin ng patumpatong na mga kaso tulad ng murder, perjury, obstruction of justice, roberry at paglabag sa anti-hazing law.
Ayon kay MPD Spokesman Supt. Erwin Margarejo, tiwala silang malakas ang mga nakalap nilang ebidensya na magdiriin kay Solano sa naturang kaso.
SMW: RPE
