Hatol sa Pacquiao-Horn fight dapat tabla—sports analyst

Tabla ang dapat na naging hatol sa bakbakang Manny Pacquiao at Jeff Horn.

Ayon ito kay sports analyst Dennis Principe, base na rin sa kanyang tally record sa nasabing laban kahapon sa Brisbane, Australia kung saan natalo si Pacman.

Sinabi sa DWIZ ni Principe na imposible talagang manalo si Horn sa nasabing laban at pinakamalapit na dapat naging desisyon sa naturang laban ay tabla o draw lamang.

“Binigay kong klarong rounds kay Jeff Horn is four at anim na klarong rounds kay Manny Pacquiao, yung dalawa either way tapos kapag binigay ko ang dalawa kay Jeff Horn, talagang ang puwedeng maibigay lang sa kanya ay tabla o draw, so talagang it was too impossible for Horn na manalo, especially doon sa 117, 111 na score, I think yun ang pinakagrabeng kamalian sa laban na ito.” Ani Principe

Ayon kay Principe posibleng nakaapekto rin sa scoring ang malaking crowd kahapon sa Brisbane.

“Minsan may mga suntok na nagkakagulo ang tao na akala mo may tumama pero in truth hindi naman tumama, eh ang kaso hindi mo nakita, how will you decide on that, yun ang mahirap, but then again kahit sabihin mo na maraming crowd for you to give 9 rounds kay Jeff Horn, masyadong malabo yun.” Dagdag ni Principe

Naniniwala rin si Principe na mas dodoble pa ang magiging atensiyon ng mundo sakaling matuloy ang Pacquiao-Horn rematch.

“Bumenta na eh, may intriga may emosyon, ang mahirap dito ang kawawa ay yung mga up and coming, yung mga nasa baba, halimbawa bata pa lang, gumagawa pa lang ng pangalan, eh kung sa maagang parte pa lang ng kanilang career ay sisirain mo na, paano pa sisibol ang talagang magagaling, yun ang mabigat doon.” Ani Principe

Sa tanong na dapat na bang mag-retiro si Manny Pacquiao sa larangan ng boxing?

“Sa akin lang if I will analyze kung bakit naging ganun ang performance ni Manny, it’s not because kulang sa training, it’s not because kulang sa focus it’s probably because yung edad pumapasok na. Ako, noon pang time na nilalabanan niya si Marquez dapat nagretiro na siya eh, even before the Mayweather fight dapat nag-retiro na, wala naman yung kay Mayweather it’s about money, actually meron pa siyang ibubuga pero hindi na siya yung dating Mannny Pacquiao, nawawala na yung speed, timing and ability, may power pa, yung power will always be there, ganun ang atleta, for Manny’s own good, siguro dapat mag-retiro na and I would not advise him to get that rematch kasi sa mata ng tao panalo siya eh.” Pahayag ni Principe

By Judith Larino | AR | Ratsada Balita Interview

Comments

comments