Inaasahan na ang pagdagsa pa ng mga bibisita sa kanilang mga namayapang mahal sa buhay ngayong araw.
Bunsod nito tiniyak ni Supt. Erwin Margarejo, tagapagsalita ng Manila Police District na magpapatupad ng mas mahigpit na seguridad lalo na sa apat na malaking sementeryo sa lungsod ng Maynila.
Kabilang dito ang Manila North Cemetery, Manila South Cemetery, La Loma Cemetery at Chinese Cemetery.
Inihayag din ni Margarejo na wala pa naman silang natatanggap na anomang banta sa seguridad sa lungsod ng Maynila .
Paalala din ni Margarejo sa publiko na huwag ng magdala ng mga ipinagbabawal na gamit sa sementeryo tulad ng kutsilyo, alak o pangbungkal ng lupa.
