Nilamon ng apoy ang isang fireworks manufacturing facility sa Bocaue, Bulacan kagabi, December 28 na nagresulta sa pagkawala ng suplay ng kuryente doon.
Ayon sa Bureau of Fire Protection (BFP), partikular na nasunog ang A.T Sayo Enterprises dakong ala-7:15 ng gabi na agad itinaas sa ikatlong alarma.
Base sa report, aabot sa P400,000 ng halaga ng mga ari-ariang tinupok ng apoy.
Pahayag naman ng ilang residente sa lugar, hindi nila akalaing nasusunog na pala ang pagawaan ng paputok na nung una’y inakala lamang nila na nagsasagawa ito ng ng fireworks display.
Sa ulat ng mga otoridad, walang nasaktan sa insidente na patuloy ngayong isinasailalim sa imbestigasyon.
