Walang namamataang sama ng panahon ang Philippine Atmospheric Geophysical and Astronomical Services Administration (PAGASA) na posibleng makaapekto sa bansa.
Makararanas ang Ilocos Norte, Cagayan, Batanes, Kalayan at Babuyan Group of Islands ng maulap na kalangitan na may mahina hanggang sa katamtamang pag-ulan, pagkulog at pagkidlat bunsod ng umiiral na trough ng Low Pressure Area sa dulong hilagang Luzon.
Kahapon, pumalo sa 35 degrees celsius ang temperatura sa Metro Manila pero makakaranas na ng pag-ulan ang ilang bahagi ng bansa.
Ayon sa PAGASA, nagsimula na ang transition period mula sa easterlies patungo sa pagpasok ng habagat pero posibleng sa kalagitnaan pa ng Hunyo magsimula ang tag-ulan dahil sa El Niño.
By Mariboy Ysibido
