Bukas ang Liberal Party sa lahat ng posibleng scenario sa 2016 elections upang matiyak na maipagpatuloy ang mga repormang sinimulan ni Pangulong Noynoy Aquino kahit matapos ang kanyang termino.
Ayon kay Iloilo Representative Jerry Treñas, Chairman Organizing and Membership Committee ng LP, ang posibilidad ng tambalan nina Interior Secretary Mar Roxas at Senador Grace Poe ay pawang ispekulasyon pa lamang.
Sa ngayon anya ay nakatutok sila kung sino sa mga kandidato ang may mga katangian upang ipagpatuloy ang tuwid na daan.
Iginiit din ni Treñas na hindi i-eendorso ng Liberal ang sinumang kandidato dahil lamang sa popularidad nito at hindi lamang panalo sa halalan ang layunin ng partido kundi tiyaking maipagpatuloy ang mga reporma ng Aquino administration para sa bansa.
By Drew Nacino
