Sugatan ang isang miyembro ng Citizen Armed Force Geographical Unit o CAFGU matapos na saksakin ng sariling kapatid sa bayan ng Agno sa Pangasinan.
Kinilala ang biktima na si Elmer Naranja, 45-anyos, habang ang kanyang nakababatang kapatid na si Elber, 38-anyos, ang pinangalanang suspek.
Ayon sa Philippine National Police (PNP) – Agno, ang lasing na biktima ang pumunta sa bahay ng suspek para kumprontahin matapos na pagbintangan ito na nagnakaw sa manok ng suspek.
Agad namang isinugod sa pagamutan ang biktima na nagtamo ng saksak sa leeg at kaliwang braso.
Samantala, sumuko na sa mga otoridad ang kapatid na suspek.
