Ipinag-utos ni DILG secretary Eduardo Año sa local government units at NCRPO ang pagpapaigting sa pagpapatupad ng minimum public health standards sa Metro Manila.
Sinabi ni Año na hindi magbabago ang basic rules kahit pa ipinatutupad ang bagong alert level system, kaya’t dapat matiyak na sumusunod ang publiko sa health protocols.
Ayon kay Año, dapat buhayin ng LGUs at NCRPO ang kanilang task force displina, barangay disiplina brigades, force multipliers at police marshalls para tumutok sa mga aktibidad ng mga residente ng Metro Manila.