Sisikapin ng militar na mabawi ng tuluyan sa Maute Group ang Marawi City ngayong Oktubre.
Ayon kay Armed Forces of the Philippines o AFP Chief of Staff General Eduardo Año, napakaliit na ng lugar na nasasakop ng Maute.
Natatagalan lamang aniya ang operasyon dahil 38 pang bihag ang hawak ng mga terorista at karamihan dito ay mga bata at babae.
Samantala, kinumpirma ni Año na buhay pa si Abu Sayyaf leader Isnilon Hapilon at nakikipaglaban pa ito sa Marawi City.
Ang wala aniya silang kumpirmasyon ay sa tunay na kalagayan ni Maute leader Omar Maute dahil matindi ang naging sugat nito sa huling bakbakan.
“Yung mga Maute ay halos patay na lahat except itong si Omar pero nung huling labanan sa Bato Mosque ay nasugatan itong si Omar ng matindi sa paa, hindi natin alam kung ikinasawi niya ito, hindi pa natin puwedeng i-validate at i-confirm pero yun ang huli, gumagapang na nang makita ng isa sa mga hostages na nailigtas natin, si Hapilon ay nandiyan pa, pati ang pamilya niya so siya ang subject ng manhunt natin ngayon.” Pahayag ni Año
(Ratsada Balita Interview)
