Tiyak na ang panalo ng yumaong King of Pop na si Michael Jackson bilang susunod na pangulo ng bansa kung totoo ang isinagawang Mock Election ng Commission on Elections kahapon.
Batay sa resulta ng mock elections sa isang mall sa Maynila, nakakuha ng 20 boto si Jackson mula sa 66 na boto.
Sinundan ito ni Justine Beiber na nakakuha ng 15 boto, Selena Gomez na nakakuha ng 7 boto, Taylor Swift – 6 na boto, Whitney Houston – 4, 3 kay Kelly Clarkson at tig-2 boto naman ang nakuha nila Adam Lavigne at Kate Perry.
Ang R & B singer naman na si Ariana Grande ang nanalo bilang Bise Presidente laban kina Alicia Keys, Avril Lavigne, Nicki Minaj, Zac Efron at Ashley Tisdale.
Pasok naman bilang partylists ang mga grupong Air Supply, Bee Gees, Black Sabath, hi-Five, Boyzone at Seoul’s Girls Generation.
Ayon kay COMELEC Spokesman James Jimenez, random ang pagpili sa pangalan ng mga inilagay sa balota upang maiwasang mai-ugnay sa mga kasalukuyang kandidato.
By: Jaymark Dagala
