Arestado ng mga operatiba ng Criminal Investigation and Detection Group o CIDG at Rizal Provincial Police Office ang suspek sa pananambang sa abogadong si Atty. Edilberto Golla noong Mayo.
Kinilala ng Police Regional Office 4-a ang naarestong si P/Cpl. Alberto Umali na nakatalaga sa Rodriguez Rizal Municipal Police Station.
Natimbog si Umali sa ikinasang ‘Oplan Paglalansag Omega’ ng pulisya sa kanilang tahanan sa Summitview Subdivision sa Barangay San Rafael sa naturang bayan sa bisa ng search warrant.
Nakuha mula kay Umali ang isang magazine para sa caliber 5.56 na baril at 52 bala nito; 36 na basyo ng 9mm na baril; 12 basyo para sa kalibre 45 baril at isang black cartridge case.
