Isang opisyal na lamang ang magsasalita para linawin ang mga malabong pahayag ni Pangulong Rodrigo Duterte o sa mga issue na dapat bigyan ng sapat na linaw.
Ito ang inihayag ni Presidential Communications Secretary Martin Andanar matapos magkaroon ng kalituhan nitong nakalipas na mga araw dahil sa magkakaibang pahayag ng mga opisyal hinggil sa naging isyu ng foreign policy ng administrasyon.
Ayon kay Andanar, lahat ng mga tanong ay dapat idaan sa kanyang tanggapan sa Presidential Communications Office para isa na lamang ang sumagot nito.
Matatandaang nabansagang Presidential Miscommunications at Department of Apology ang tanggapan ni Andanar dahil magkakasalungat ang pahayag ng communications group sa mga policy statements na binitiwan ni Pangulong Duterte sa loob at labas ng bansa nang dumalo ito sa ASEAN summit sa Laos.
By: Drew Nacino / Aileen Taliping
