Nanawagan ang UN Security Council ng pulong para makabuo ng bagong gobyerno sa Afghanistan.
Ito ayon sa konseho ay para matigil na ang kaguluhan at pang-aabuso sa Afghanistan partikular sa mga kababaihan.
Binigyang diin ng konseho ang kahalagahan na malabanan ang terorismo sa Afghanistan para matiyak na walang banta o pag-atake nito sa iba pang bansa.
Umapela ang konseho ng pagkakasa para makabuo ng bagong gobyerno na dapat isama ang mga kababaihan.
Iginiit ni UN Chief Antonio Guterres na hindi kailanman dapat abandonahin ang mga tao ng Afghanistan kaya’t patuloy ang panawagan niyang buksan ng mga bansang malapit sa Afghanistan ang kanilang border sa Afghan nationals.