Binalaan ng Department of Labor and Employment ang mga pulitikong gumagamit sa cash-for-work program ng gobyerno, sa kanilang kampanya.
Ayon sa DOLE, kakasuhan nila ang sinumang mapatunayang sangkot sa iregularidad sa implementasyon ng tulong panghanapbuhay para sa disadvantaged/displaced workers o tupad program.
Hindi anila kinukunsinte ang mga ganitong aktibidad, partikular ang pag-re-require sa mga tupad beneficiary na lumahok sa mga campaign caravan kapalit ng cash assistance.
Iginiit ng kagawaran na kanilang programa ang tupad at hindi ng sinumang gobernador, alkalde, kongresista, alkalde at iba pang pulitiko. —sa panulat ni Drew Nacino
