Babakantehin na ng Sunvar Realty Development Corporation ang Mile Long Commercial Strip sa financial district ng Makati City alinsunod sa kautusan ng Korte.
Magugunitang inakusahan ng Solicitor-General ang Sunvar, na pag-aari ng Pamilya Prieto at Rufino na “squatter” dahil sa utang nito sa gobyerno na 1.66 billion pesos sa buwis.
Ang nabanggit na pamilya rin ang nagmamay-ari ng pahayagang Philippine Daily Inquirer na ibebenta naman sa Tycoon Ramon Ang ng San Miguel Corporation bunsod ng mga batikos mula kay Pangulong Rodrigo Duterte.
Noong Martes, inihain ni SolGen Jose Calida at Makati Regional Trial Court Sheriff Robert Bautista ang notice to vacate sa Sunvar maging ang mga tenant ng mile long na binigyan ng tatlong araw upang tumalima.
Pebrero taong 1982 nang okupahan ng Sunvar ang nabanggit na government property sa ilalim ng lease agreement na napaso noong 2002.
By Drew Nacino