Kanselado na rin ang ilan pang mga kapistahan sa probinsiya ng Benguet at Kalinga dahil sa novel coronavirus acute respiratory disease (2019-nCoV ARD).
Nagpalabas ng executive order si La Trinidad Mayor Romeo Salda na hindi na itutuloy ang Strawberry Festival nakatakda sa Marso.
Taunang ipinagdiriwang ang Strawberry Festival bilang pasasalamat sa kanilang masagang ani kada taon.
Habang sa Kalinga, suspendido na rin ang ika – 25 founding anniversary ng probinsiya at ikaapat na Bodong Festival.
Iaanunsiyo pa ang mga susunod na aktibidad matapos ang gagawing mga konsultasyon sa kaukulang ahensiya ng gobyerno.
Ngunit ang main celebration ng Bodong Festival na gaganapin sa February 14 ay idadaos pa rin ngunit gagawin na itong simple.
