Umabot na sa 651 na mga OFW ang nagpositibo sa coronavirus disease 2019 (COVID-19), makaraang makapagtala ang Department of Foreign Affairs (DFA), ng 21 mga bagong kaso ng virus.
Habang, 16 naman na sa mga ito ang gumaling na mula sa sakit na COVID-19.
Dahil dito, pumalo na sa kabuuang 188 OFW’s ang nakarekober mula sa nakamamatay na virus.
Galing ang mga naturang Overseas Filipino Workers sa Amerika, Asia and the Pacific, Europe, at Middle East o Africa.
Samantala, umabot naman sa 84 ang OFW death toll kung saan lima dito ang kamamatay lamang.
