Inilunsad ng Department of Education (DepEd)ang online program upang mapalakas ang nationwide smoking ban ng gobyerno.
Layunin ng naturang online program na tinawag na “Eskwela Ban sa Sigarilyo,” imulat ang kamalayan ng publiko sa DepEd order 48.
Dahil dito mapapadali na ang pag-re-report ng mga guro at estudyante ng mga indibidwal at establisyimento na lalabag sa Executive Order 26 partikular ang mga malapit sa paaralan.
Katuwang ng DepEd sa inisyatibo nito ang tobacco-free kids action fund sa pamamagitan ng website na www.tobaccofreedeped.org kung saan maaaring i-report ng publiko ang mga lumalabag sa smoking ban.
