Sumusugod umano sa Malacañang ang ilan sa mga nasa listahan ng narco-politicians.
Ibinunyag ito ni Presidential Spokesman Harry Roque dahil nais aniyang humirit na mabura ang kanilang pangalan sa nasabing narco-list na hawak ng Pangulong Rodrigo Duterte.
Sinabi ni Roque na wala siyang kapangyarihang maglinis ng pangalan ng narco-politicians na aniya’y trabaho ng Philippine Drug Enforcement Agency o PDEA at Philippine National Police o PNP.
Nilinaw pa ni Roque na hindi awtomatikong matatanggal ang pangalan ng isang pulitiko sa narco-list kapag umanib ito sa ruling party PDP-Laban.
Ipinabatid ni Roque na bago pa man nanumpa sa PDP-Laban ang tatlong alkalde sa Iloilo na una nang idinawit sa iligal na droga ay nalinis na ang pangalan ng mga ito.
—-
