Nagsagawa ng sorpresang inspeksyon ang Land Transportation Franchising and Regulatory Board sa terminal ng mga bus sa Pasay-Tramo.
Nasaksihan ng grupo ni LTFRB Chairman Winston Ginez ang iba’t ibang paglabag ng mga bus company tulad ng mga kalbong gulong, hindi maayos na terminal, walang mga palikuran at sobrang upuan o jump seater.
Dalawang bus na hinihinalang kolorum ang iniimbestigahan.
Nasita sa inspeksyon ang mga istasyon ng Elavil, dltb, Victory Liner at Super 5 Bus Line.
Sinabi ni Ginez na inabisuhan nila ang mga lumabag na ayusin ang operasyon bagamat pagmumultahin ang mga ito samantalang ang iba ay mabibigyan ng cease and desist order.
By: Judith Larino
