Pinag-aaralan na ng Malakanyang ang panukala ng Land Transportation Franchising and Regulatory Board (LTRFB) na naglalayong itaas sa bente pesos bawat litro ang fuel subsidy na isang buwang ipatutupad para sa mga driver at operator ng pampublikong sasakyan.
Ayon kay Palace Press Officer Claire Castro, tinatalakay na nina Executive Secretary Ralph Recto, Transportation Secretary Giovanni Lopez, kasama ang economic team ng pamahalaan ang panukala upang makabuo ng malinaw na desisyon.
Nilinaw rin ni Usec. Castro na mananatiling epektibo ang sampung pisong subsidiya hanggang sa katapusan ng buwan habang isinasagawa ang pag-aaral.
Samantala, hinimok ng Malakanyang ang grupong MANIBELA na makipagdayalogo sa halip na magsagawa ng transport strike.
Iginiit ni Usec. Castro na hindi transport strike ang tamang solusyon sa problema at binigyang-diin na nais ng pamahalaan na makipag-usap upang malaman ang mga hinaing ng sektor. l mula sa panulat ni Reianne Antiquina
