Bumaba na sa 884 na lugar ang nasa ilalim ng granular lockdown mula sa 1,036 noong Lunes.
Sa datos ng PNP, mayorya o mahigit 400 ng mga lugar ay matatagpuan sa Cordillera habang tinatayang 300 sa Ilocos Region.
Mahigit 150 naman sa Cagayan habang 14 sa National Capital Region (NCR).
Samantala, umabot na sa mahigit 2,300 indibidwal ang naapektuhan ng mga lockdown.
Nagpakalat na rin ang PNP ng nasa 200 personnel at mahigit 870 force multipliers upang matiyak na sumusunod ang mga residente sa tamang health protocol.
