Aabot sa 602 kabahayan o katumbas ng 1,285 na mga indibidwal ang apektado ng ipinatupad na granular lockdown sa iba’t ibang panig ng bansa.
Batay sa datos ng Philippine National Police (PNP), umabot sa 419 lugar mula sa 255 na barangay sa buong bansa ang isinailalim sa granular lockdown.
Nanguna ang Ilocos Region sa mga may pinakamaraming lockdown areas na may 122, sinundan ng Cordillera na may 107, Cagayan na may 102.
Metro Manila na may 55, CALABARZON na may 22 at ang huli ay ang MIMAROPA na may 11 granular lockdown areas.
Tinatauhan ang mga ito ng may 380 pulis katuwang ang may 730 na mga force multipliers upang tiyakin ang seguridad at maiwasang kumalat ang COVID-19 —ulat mula kay Jaymark Dagala (Patrol 9)