Nanindigan ang commission on elections sa pagsuspinde sa proklamasyon ng “Duterte Youth” At “Bagong Henerasyon” Party-lists.
Ipinaliwanag ni COMELEC Chairman George Erwin Garcia na mas mainam ang naging pasya ng komisyon kaysa bawiin ang proklamasyon oras na maresolba ang mga kasong kinakaharap ng mga ito.
Gayunman, nilinaw ng Poll Body Chief na ang suspensyon ng proklamasyon ng dalawa ay hindi naman nangangahulugang hindi nanalo ang mga ito kasabay ng limampu’t dalawang iba pang party-list na naiproklama na kahapon.
Maliban sa dalawang party-list groups, may isa pang incumbent congressman na hindi naiproklama sa ibang kadahilanan.
