Hinimok ni Senador Bong Go ang mga lokal na pamahalaan sa bansa na dalhin sa mga kabahayan ang bakuna kontra COVID-19 partikular sa sektor ng mga dapat nang maturukan nito.
Ayon kay Senador Go na ang dapat mga makatanggap ng ganitong serbisyo ay ang mga senior citizens na hirap nang makapunta sa mga vaccination sites.
Dagdag pa ni Go, na napakahalaga ang naturang hakbang para agad na mapalawig ang pagbabakuna sa iba pang kabilang sa priority groups.
Sa huli, nanawagan si Senador Go sa publiko na kabilang sa priority list na magpabakuna na kontra COVID-19 bagay na makatutulong sa COVID-19 response ng pamahalaan.
